ఒక అడవిలో ఒక కుందేలు తన వేగం గురించి చాలా గర్వపడేది. అది ఎప్పుడూ తాబేలును చూసి "నువ్వు చాలా నెమ్మదిగా నడుస్తావు" అని ఎగతాళి చేసేది. ఒకరోజు తాబేలు కుందేలుతో పరుగు పందానికి సిద్ధమని చెప్పింది. పందెం మొదలైంది. కుందేలు చాలా వేగంగా పరుగెత్తి, వెనక్కి తిరిగి చూస్తే తాబేలు ఎక్కడో దూరంలో కనిపించింది. "తాబేలు రావడానికి చాలా సమయం పడుతుంది, ఈలోపు కొంచెం విశ్రాంతి తీసుకుంటాను" అని కుందేలు ఒక చెట్టు కింద నిద్రపోయింది.
కానీ తాబేలు ఎక్కడా ఆగకుండా, నెమ్మదిగా అయినా సరే, నిరంతరంగా నడుస్తూనే ఉంది. కుందేలు గాఢనిద్రలో ఉండగానే తాబేలు దానిని దాటి లక్ష్యాన్ని చేరుకుంది. కుందేలుకు మెలకువ వచ్చి వేగంగా పరుగెత్తినా, అప్పటికే తాబేలు పందెంలో గెలిచిపోయింది. కుందేలు తన తప్పు తెలుసుకుని సిగ్గుపడింది.
ఈ కథ ద్వారా మనం నేర్చుకోవలసిన నీతి ఏమిటంటే, "నెమ్మదిగా అయినా సరే, పట్టుదలతో పని చేస్తే విజయం మనదే అవుతుంది." మన సామర్థ్యం గురించి గర్వపడకూడదు.
No comments:
Post a Comment