ఏపీలో ఏప్రిల్ 22న పదోతరగతి ఫలితాలు ఉదయం 11గంటలకు విజయవాడలో విడుదల చేయనున్నారు.
ఆంధ్రప్రదేశ్లో పదోతరగతి ఫలితాల విడుదలకు ముహూర్తం ఖరారైంది. ఏప్రిల్ 22న ఉదయం 11గంటలకు విజయవాడలో విడుదల చేయనున్నారు. ఫలితాలను పాఠశాల విద్యాశాఖ కమిషనర్ సురేశ్కుమార్ ప్రకటిస్తారని డైరెక్టర్ ఆఫ్ ఎగ్జామినేషన్స్ శనివారం ఓ ప్రకటనలో తెలిపింది. మార్చి 18 నుంచి 30వ తేదీ వరకు పరీక్షలు నిర్వహించిన విషయం తెలిసిందే. పది పరీక్షలకు దాదాపు 6.3లక్షల మంది విద్యార్థులు హాజరయ్యారు.